Networking Part 05

Networking Part 05

අද මුලින්ම අපි කතා කරන්න යන්නෙ දත්ත සන්නිවේදනයේ මූලික සංකල්ප ගැන.

1) සමමුහුර්තකරණය (Synchronization) :-
                                         *ප්‍රභවයේ ඉදල ග්‍රාහකයාට යවන දත්ත පළවෙනි bit එකේ ඉදල අවසාන bit එක දක්වාම සම්පූර්ණ වශයෙන්ම ග්‍රාහකයාට සම්ප්‍රේශනය වෙන එකට තමයි අපි Synchronization කියන්නෙ.

2) පිළිදැන්වීම (Acknowledgement ) :-
                              * ග්‍රාහකයා විසින් දත්ත ලබා ගන්න සූදානම් බවත්, නිවැරදිව දත්ත ලබාගත්තට පස්සෙ තමන් නිවැරදිව දත්ත ලබා ගත්ත කියලත් ප්‍රභවයට දැන්වීම තමයි Acknowledgement කියන්නෙ.

3) කාලාන්තරය ( Period ) :-
                           * එක් ස්ථානයක ඉදල තවත් ස්ථානයකට දත්ත ප්‍රමාණයක් සම්ප්‍රේශනය වීමට ගතවන කාලය තත්පර වලින් දක්වන එකට තමයි කාලාන්තරය කියල කියන්නෙ.

4) කලාප පළල (Bandwidth) :-
                             *Digital Signal එකක ඒකක කාලයකදී සම්ප්‍රේශනය කරන්න පුලුවන් bit ගානට තමයි කලාප පළල කියල කියන්නෙ.
                             *අපි මේක තත්පරයට බිටු (bps) , තත්පරයට කිලෝ බිටු (kbps) , තතොඅරයට මෙගා බිටු (Mbps) , Gbps වලින් මනිනු ලබනවා.
                             *Analog Signal එකකදී නම් සම්ප්‍රේශනය කරන්න පුලුවන් සංක්‍යාත පරාසය තමයි කලාප පළල වෙන්නෙ. අපි මේකෙදි කළාප පළල මනින්න Hz පාවිච්චි කරනව.

සම්ප්‍රදායික සන්නිවේදන ක්‍රම

*සතුන් මගින්
*ලිපි මගින්
*සාම්ප්‍රදායික තැපෑල
*සෙල්ලිපි
*දුම් ගැසීම

ඉලෙක්ට්‍රොනික හා පරිගණක පාදක සන්නිවේදන ක්‍රම

1) දුරකථන ( Telephone ) :-
                                            * කටහඩ විද්‍යුත් සංඥා විදිහට හරි තරංග විදිහට හරි ග්‍රාහකයා වෙත සම්ප්‍රේශනය කිරීම තමයි දුරකථන සන්නිවේදනයේදී සිදු වෙන්නෙ.

2) ගුවන්විදුලිය / රූපවාහිනිය :-
                                                   * රූපවාහිනිය සහ ගුවන්විදුලිය තුළ විද්‍යුත් චුම්භක තරංග මගින් හෝ රේඩියෝ තරංග මගින් දත්ත සම්ප්‍රේශනය සිදු කරනු ලබනවා.
                                                   * මේකෙදි සෑම විටම ප්‍රභවයේ සිට ග්‍රාහකයා දක්වා එනම්, ඒකපථ විදිහට තමයි දත්ත සම්ප්‍රේශනය සිදු වෙන්නෙ..

3) චන්ද්‍රිකා ( Satellite ) :-
                                      * ගොඩක් වෙලාවට රූපවාහිනී , දුරකථන යුධමය තොරතුරු වගේ දේවල් හුවමාරු කරගන්න අපි භාවිතා කරන්නේ මේ  චන්ද්‍රිකා යොදාගෙන.
                                      * මෙකෙදි දත්ත සන්නිවේදනය සදහා යොදාගන්නෙ විදුත් චුම්භක තරංග.

4) ISDN ( Integrated Services Digital Network ) - සංගෘහිත සේවා අංකිත ජාලය :-

                                     * ISDN කියන්නෙ සාමාන්‍ය දුරකතන රැහැන් ඔස්සේ කටහඩ , දත්ත යවන සම්මත ක්‍රමයට.
                                     * මේකෙදි සාමාන්‍ය දත්ත සම්පූර්ණ වේගය 64 - 128 kbps වගේ වෙනව.
                                     * මුල් කාලයේ Internet Connecting ලබා දෙන්න පාවිච්චි කලත් වේගය ගොඩක් අඩු නිසා මෙ ක්‍රමය භාවිතයෙන් ඉවත් උනා.
                                     * මෙය Dial-up ආකාරයේ සම්බන්ධතාවක් වන අතර සම්බන්ධතාව සදහා Moderm අවශ්‍ය වෙනව.

5) ADSL / DSL ( Asymmetric Digital Subscriber Line ) - අසමමිතික අංකිත දායක රැහැන

                                     * තඹ දුරකථන රැහැන් ඔස්සේ වැඩි වේගයකින් දත්ත සම්ප්‍රේශනය කිරීම සදහා මේවා යොදා ගන්නවා.
                                     * මේකෙදි දුරකතන සම්බන්ධතාවය වගේම Internet Conection එකත් එකම රැහැනක් ඔස්සේ ලබා ගන්නා නිසා ඒවා වෙන් කිරීම සදහා Splitter හෝ DSL Filters යොදා ගන්නවා.
                                     * අන්තර්ජාලයට සම්බන්ධ වෙලා තියෙද්දිම දුරකථන ඇමතුම් ලබා ගැනීමේ හැකියාව සහ සම්ප්‍රේශන වේගය වැඩි වීම මේවාගේ වාසි වෙනව.
                                     * සේවා සැපයුම් මධ්‍යස්ථානය දුරින් වැඩිවීමේදී සංඥාවල ප්‍රභලතාවය අඩු වෙන එක සහ සියලු ස්ථාන වලට සේවාව ලබා දිය නොහැකි වීම අවාසි විදිහට දකින්න පුලුවන්.

ISDN vs ADSL

ISDN                                                 

*Upload , Download වේග සමාන වේ.           
*සම්බන්ධතාවය end to end ආකාරයේ වේ.

*සමමුහුර්ත වේ.                 

*සම්ප්‍රේශන වේගය අඩුය.                                

*බහු ප්‍රවේශය 

ADSL

*Download වේගය Upload වේගයට වඩා වැඩිය.     
*සම්බන්ධතාවය Point to Point වේ.
*අසමමුහුර්ත වේ.
*සම්ප්‍රේශන වේගය වැඩිය.

*තනි ප්‍රවේශය

ඊලග කොටසෙන් CDMA ,GSM,GPRS, රැහැන් රහිත සන්නිවේදන ක්‍රමන්හි පරිණාමය ගැන වගේම මූර්ජන තාක්ෂනයන් ගැනත් අරගෙන එන්නම්.